Liljekonvall

Vårens pastell

I går våkna eg til 15 cm nysnø. Det var i går!

I dag våkna eg til vårens lette pasteller. Det er i dag!

Leik

og leven kan ein sei. Første natta på den nye leiken starta dårleg. Isande kald og veldig sterk vind - vel, det veit eg er eit dårleg utgangspunkt for orreleik. Kvelden kom og ingen fugl landa i det heile. Begynte å lure på om eg faktisk hadde spora opp ein leik som faktisk ikkje var ein leik. Har faktisk aldri opplevd å ligge på ein leik i siste del av april, uten ein fugl på kveldsspelet.

Morgonen kom med litt mindre vind og eg vart vekt av buldrande orrer kl 05. Ikkje fotolys då og det var forsiktige fuglar med lite aktivitet. Etter ein god halvtime gav dei opp og reiste. Ikkje eit bilde på denne turen.

Opp igjen i går med eit mykje betre vær. Fin tp og sol! Kveldsspelet begynte ganske seint og var ikkje så mykje trøkk i, slik som eg er mest van med frå gamalt av.

Morgonen i dag starta kl 03.15. Full trøkk frå starten av og rundt kl 04 kom det ned to orrhøner. Då er ikkje høneveka så mykje seinare her oppe i fjellet i forhold til før i tida.

La merke til den stakkarslege rakkelhanen som prøvde seg på eit kort og tamt tsjooiiiii og ikkje fekk være med i spelet. Jaga frå den eine plassen til den andre. Han poserte litt for meg, så fekk han i alle fall gjort noko nyttig.

Vart nokre vanlege orrebilder og dei bilda eg skal jobbe mest med, gikk ikkje denne gongen heller. Har ikkje tid til meir enn ein tur til i vår så truleg vert det ikkje klaff før til neste vår!

Fantastisk

No har eg vore å funne ein ny Orreleik og laga den klar. Den ligg høgt oppe og det er bratt for å kome fram. MEN, den ligg på ein liten rygg på ca 30-40m breidde og med utsikt ned i to forskjellige dalføre :)

I natt har eg vore ute og kost meg. Fått med meg Kattugle, Rødrev, Ravn, Mår, Hjort og for aller første gang her eg bur, Spurveugle! Fantastisk!

Og så har eg jo også fantastiske barn og ei fantastisk kone :) God påske alle sammen!

Vipera berus

Jøss! Har fått aldeles sjokk - heile kroppen. Har hatt sol i ein og ein halv dag :D

Kva gjer ein då? Heile familien har jo opparbeidd seg same behov for sol, så første dagen tok vi ein skitur på fjellet, fyrte bål, laga kaffe og grilla pølser mm. Aldeles nydeleg!

Kvar einaste vår reiser eg til ein av fleire overvintringsplassar for Hoggorm, Vipera berus. Siste halve dagen med sol fekk eg ein rask tur til ein av stadane der eg visste at snøen var borte og Hoggormen heilt sikkert var komen fram for å magasinere seg. Rakk berre så vidt å kome fram før dei siste solstrålane forsvann og med så passa kaldt vær ville nok ormen raskt krype inn i bolet igjen. Det var kun 1 igjen ute då eg kom og eg fekk nokre "close-up" bilder før eg trakk meg tilbake.

Det er like stas kvar einaste vår og om ikkje lenge skal eg nok finne han litt nermare der eg bur.

Tja....

Tja......det er vel begynt å nerme seg ein slags vår. I alle fall om ein legg godviljen til :)
Ein ting er i alle fall sikkert: det er vått, det er grått, det er tungt, men det er litt lysare no...


...og er ein skikkelig heldig ein dag, kan ein få slike korte, små, men innmari lyse glimt som bryt gjennom det mørke og grå!

Tja......meir skal det faktisk ikkje til :D

Lysets linjer

Toner klinger som lys i vann
Strimler av ærbødighet
Ydmykhet mot linjers visdom
Alltid på vei mot et mørke

Over dimensjoner trår du med rolige skritt
Ser du menneskets tanker fra alle sider
Det mørke og lyse kan ikke skjules
Tankers ord blir sakte avslørt

Om du kunne opplyse et menneske slik
At lysets energi kan vokse i det
Kunne mennesket skinne som lyset i vann
Og vandre i linjer så vakre og åpne

Bølger av lyset vil alltid vandre
Følge kursen mot bedre tider
Ingen bølge er konstant, ingen linje korrekt
Med lysets linjer følger alltid håp

Eit fascinerande dyr

Etter kvart som eg lærer litt meir om Oteren blir eg meir og meir fascinert over dyret. Den er utruleg energisk, men samtidig kan den verkeleg kose seg. Den er morsom og har mange ulike uttrykk.

Du har kanskje høyrt at den lagar sklier i snøen som den leikar seg i, men den "måten" å ta seg fram på brukar den også ellers. Så vidt eg veit er det vel mest ein energisparande måte å ta seg fram på meir enn ei kosesklie. Klikk på bildet under så får du sjå ein variant av denne teknikken :)

Oterlykke

Oter inngår i eit av mine prosjekt. Mange timar har eg lagt ned for å kartlegge og bli kjent med oteren. Personleg syns eg at det er mykje lettare å finne den ute med kysten enn kva tilfelle er inne i elvane. Her inne vandrar dei ganske så lange strekningar og det er slett ikkje lett å få kartlagt denne karen ;)

Sporsnø er alltid kjekt å kunne dra nytte av og her om dagen fekk vi nettopp det. Eg blir stadig imponert over kva slag fossefall og brattlende desse dyra klarar å forsere. Dei er trass alt ikkje så store kroppane, men har ein fantastisk styrke.

Etter nokre timars sporing tok eg igjen eit par. Ved nokre små opne råker i elva var det både fisking og kurtisering som foregjekk. Utruleg kor kjærlege dei er med kvarandre.

Det var værskifte no og tåka låg ganske trykt ned på elva, men då vart det jo litt variasjon i bilda. Fantastisk å ligge nokre få meter frå oteren der dei ligg og kosar seg i snøen og steller med kvarandre. Herleg er livet :)

Nordlys i svart-kvitt

Endelig var det min tur. I går kveld kunne eg oppleve kombinasjonen fri, nordlys og ikkje minst klarvær! For meg her ute på vestlandet er det sjeldan vare og ei fantastisk fin oppleving. Det er som ein kjempemessig frihetsfølelse og stå slik under ein himmelhvelving i full fyr. Ei skikkeleg vitaminbombe for ein utsvolten naturkropp :)

PS! Det er framleis slik at dersom du trykker på bilda, så kan du sjå dei eit nummer større :D